Hrafn Magnússon heimsækir RL

Hrafn Magnússon færir Jóni Egilssyni framkvæmdastjóra mynd frá aðalfundi RL árið 1994

Hrafn Magnússon, fyrrverandi stjórnarformaður RL, heimsótti RL á dögunum og færði félaginu innrammaða mynd sem tekin var á aðalfundi Reiknistofu lífeyrissjóða á Neskaupsstað árið 1994. Þá var RL nokkurra ára gamalt en félagið var síðan skráð sem hlutafélag árið 2003. Á myndinni má sjá forsvarsmenn félagsins og aðra þátttakendur í fundinum. RL er félag með langa sögu og djúpar rætur en jafnframt félag sem hefur verið endurnýjað mjög á síðustu árum.